2014/03/29

පුංචි කාලේ කතන්දර .....

කාලෙකට පස්සේ දුවිලි ගසා දාලා මේ පැත්තේ ආවා. අද පැයක් විතර දාඩිය පෙර පෙරා රෙදි අයන් කලා. ඒ වෙලාවෙ පුංචි කාලෙ කියෙව්ව කතා පොතක කතාවක් මතක් වුනා. පොතේ නම මතකත් නැහැ කතාව හරියටම මතකත් නැහැ. ඒත් සාරංශය මතකයි වගේම පොතේ රූප මතකයි.

මෙහෙමයි කතාව. මේක චීන කතාවක් මතක විදිහට.

අම්මා කෙනෙක් ඉන්නවා එයා හරිම කලබලයි. එයාට ඉන්නේ පුංචි බබෙක් එයා හරිම ලස්සනයි වගේම බෝල ගෙඩියක් වගේ. දවසක් මේ අම්මාට එයාගේ ගෙදරින් පණිවිඩයක් එනවා එයාගේ අම්මාට සනීප නැහැ කියලා. ඉතින් කලබලවුන අම්මා උදේ පාන්දරම කලුවරේම යන්න පිටත් වෙනවා. එයා කලබලෙන්ම නිදන් ඉන්න පුංවි බබාව රෙද්දකින් ඔතලා අරන් යනවා.

මෙයා මෙහෙම කලුවරේ යද්දි පුහුල් වත්තක් පහු කරන් යන්න තියෙනවා. මෙහෙම ඒ මැදින් යද්දි වැලක කකුල පැටලිලා වැටෙනවා. බබාව රෝල් වෙලා යනවා. කලබලෙන් අයෙම රෙද්දෙන් බබාව ඔතා ගන්නවා. මෙහෙම කොහොම හරි එයාගෙ අම්මා බලන්න එයා යනවා.

ඉතින් එහෙට ගිහින් දැන් හැමෝම පුංචි බබා බලන්න ලෑස්ති. අම්මා බබාව ඇද උඩින් තියලා බබාව ඔතලා තිබුණ රෙද්ද දිගෑරියා. හැමෝම උඩට ගත්ත හුස්ම පහලට හෙලන්න බැරිව වට වෙලා ඉන්නවා. රෙද්දෙන් ඔතලා තිබුණෙ බබා වෙනුවට හොඳ ලොකු පුහුල් ගෙඩියක්.

අම්මා ආයෙමත් කලබල වෙලා දුවනවා පුහුල් වත්තට බබා හොයන්න පුහුල් ගෙඩියත් අරන්. එතනට යද්දි දකිනවා රෝල් කොට්ටයක් තියෙනවා. අම්මා පුහුල් ගෙඩිය එතන දාලා ගෙදර දුවනවා කොට්ටෙත් අරන්. අම්මා ගෙදර යද්දි  පුංචි බබා හිනාවෙවි තොටිල්ලෙ නිදි.

ඒක තමා කතාව. මට නම මතක නැහැ. ලස්සන රූප තියෙන පොතක්. රූපනම් අදටත් මතකයි. කතාවේ පොඩි පොඩි තැන් වෙනස් ඇති. ඒත් මම ආසම කතාවක් ගොඩ කාලෙකට පස්සේ මතක් වුන.

8 comments:

  1. මාත් කියොල තියේ. මට නම් රූප හොඳට මතකයි.පුහුල් වත්තක් මැදින් අම්ම කලබලෙන් දුවන හැටි....ආයෙ මතකය අලුත් කලාට ස්තූතියි පූ...

    ReplyDelete
  2. මටත් මතක රූප තමයි හොඳටම... පුංචි බබාගේ මුණ තමා හොඳටම මතක.... ස්තූතියි අක්කේ මේ පැත්තේ ආවාට....

    ReplyDelete
  3. "වාසනාවන්ත අම්මා"....... මෑතක් වෙන තුරු ම අපේ ගෙදර ඔය පොත තිබුන. ඒත් දැන් හොයාගන්න නෑ. මං නම් ගොඩක් ම ආස කථාවේ චිත්‍රවලට තමයි...... :)

    ReplyDelete
    Replies
    1. අන්න අයියේ හරි.... ලස්සන රූප තමා තිබුණේ. ඒ නිසාමයි මටත් මතක... කොහොමහරි හොයාගන්න. ආසයි අයෙම රූප බලන්න...

      Delete
  4. This comment has been removed by the author.

    ReplyDelete
  5. කථාව කියවලනම් නෑ...

    ReplyDelete
  6. මමත් මේ පොත කියවලා තියෙනවා... අපේ ගෙදරත් තිබ්බා වගෙයි මතක..... පුහුල් ගෙඩියක් වගේ බෝල බබෙක් නේද ඉන්නේ මේ පොතේ?

    ReplyDelete
    Replies
    1. ඔව්... ඒ බබා හරිම ලස්සනයි ...

      Delete