2012/09/13

මේ විදිහට දරුවො අසරණ කරන එක ගැන දුකයි....

මේ සිදුවීම වුනේ නිවඩු මාසෙකට පස්සේ පාසල් පටන් ගෙන දවස් කීපයක් ගියාට පස්සේ. මම මට ලැබුණු අලුත් රැකියාව ගැන කිවේ නැතිව හිටියාට දැන් කියන්නම් හේතුව ඒ සම්බන්ධව ගොඩක් දේවල් ලියන්න වෙන නිසා. මට දැන් මාස 2 1/2 විතර කලින් ශ්‍රි ලංකා ගුරු සේවයේ තොරතුරු තාක්ෂණ ගුරුවරියක් විදිහට රැකියාවක් ලැබුනා. අකමැතිම දෙයක් වුනත් අම්මාගේ සතුට වෙනුවෙන් ගියා. ඒත් එක පිට එක වෙන්නේම අකමැති දෙවල් මයි. මේ කියන්න යන්නේත් ඒ වගේ සිදුවීම් දෙකක් ගැන..

නිවඩු මාසයක් අවසන් වෙලා පාසල් පටන් ගත්ත මුල් දවස් දෙකේ මට පාසල් යන්න බැරි වුනා. හේතුව වුනේ මම දිශාබ්භිමුඛ කිරිමේ වැඩමුලුවකට සහභාගී වෙලා තිබුන නිසා. කොහොම හරි මම තුන්වෙනි දවසේ පාසල් ගියා. ඒ වෙද්දි මට මඩ ගහන්න ඔනේ තරමත් හොදින් කරලා තිබුනා. අපේ සහොදර ගුරුවරුන්ම මම ආවේ නැතිවාට නොයෙක් කතා කියලා තිබුනා. මම බැදලා කියලා, මම කටවත් කියන්නෙම නැතිව රැකියාවෙන් අස්වෙලා කියලා නොයෙක් කතා හදලා තිබුනා. එයාලාගේ හොද ගතිය හොදට ප්‍රදර්ශනය කරලා තිබුනා. ඒ ගැන නම් මට ඒ තරම් ගානක් නැහැ. එයාලාට මාව ඒ තරම් විශේෂයි.

කොහොමහරි මම හැමදාමත් හැම තැනටම වගේ යන්නේ අන්තිම මොහොතෙනේ ඒවගෙම එදා පාසල් ගියෙත් අන්තිම මොහොතේ. ගිය ගමන්ම වාගේ උදේ රැස්වීමට යන්න වුනා. කොහොම හරි ඔතන රැස්වීමේදි විශේෂ දෙයක් වුනා. ඒ තමා එක පිරිමි ලමයෙක්ගේ ශිෂ්‍ය නායක කම අහොසි කලා. ඒ ලමයා ඇවිත් හිටියේ නැති වුනාට මට මතක තිබුනා එ කවුද කියන එක. ඒ ලමයා මම උගන්වන පන්තියක ලමයෙක් නිසා. රැස්වීම ඉවර වෙලා staff room එකට ආවාම තමා කතාව දැන ගන්න ලැබුනේ. අතිශයොක්තියත් සමගම.

මම ලේසියට ඒ පිරිමි ලමයාට ගයාන් කියලා කියන්නම්. නිවාඩු මාසයේ සෙනසුරාදා දිනයක ගයාන් පාසලට ඇවිත් තිබුනා එයාගේ ගැණු ලමයත් එක්ක. ඒ ගැණු ලමයා මේ පාසලේම වන අතර මම ඇයව නිලූකා කියලා හදුන්වන්නම්. මේ නම් මනක්කල්පිතයි. ඔවුන් දෙදෙනා පාසලට ඇවිත් ගයාන්ගේ පන්ති කාමරය තුල දොර වහගෙන ඉදලා තියෙනවා. මේ හිටිය විදිහ ගැන නම් අපේ ගුරුවරු නොයෙක් කතා කියනවා. එයාලා ගැන දන්න නිසා මට ඒ දේවල් විශ්වාස කරන්න බැහැ. පාසලේ මුරට ඉන්න අයියා ඒ අසලින් යද්දි ඔවුන්ගේ හඩ ඇහිලා තියෙනවා. ඒ අනුව ඔහු පන්ති කාමරය අසලට ගිහින් විපරම් කර තිබෙනවා.

ඒ අනුව ඔවුන් දෙදෙනා දැක්ක ගමන් මුර අයියා විදුහල්පතිතුමාට call කරලා තිබුනා. නමුත් ඒ වෙලාවේ ඔහු නිල නිවාසයේ ඉදලා නැහැ. ඒ නිසා මුර අයියා කරලා තියෙන්නේ දොර පිටින් කොට්ටක් ගහලා විදුහල්පතිතුමා හොයාගෙන ගිහින්. කොහොම හරි නැවත ආපසු විදුහල්පතිතුමා සමග මුර අයියා පැමිනෙන විට ඔවුන් දෙදෙනා එතනින් ඉවත් වෙලා තිබුනා. කොහොම හරි ඔවුන් දෙදෙනා කවුද කියන එක මුර අයියාට මතක තිබුන නිසා ඔවුන් දෙදෙනාගේ පන්ති තහනමකට ලක් කලා. ප්‍රසිද්ධියේ ශිෂ්‍ය නායක කම ඉවත් කරා. කොහොම හරි ඒ ගැණු දරුවා ගෙන්වලා විදුහල්පතිතුමා බෙහෙවින් නරක විදිහට කතා කලා. මට ඒ සන්වාදේ ඇහුනේ මම නිවඩු අනුමත කරගන්න ඒ අසල හිටි නිසයි. කොහොමහරි මේ දරුවො දෙන්නාගේම පන්ති තහනම් කලා ඉන් පසුව ඔවුන් දෙදෙනා පාසලෙන් අස් කරලා දැම්මා. ඒ දරුවො දෙන්නාම උසස් පෙල පන්තිවල. ගයාන් 13 ශ්‍රේණියේ ගැණු දරුවා 12 ශ්‍රේණියේ මේ දරුවො දෙන්නාව පාසලෙන් අස් කරන්න තරම් ලොකු වැරද්දක් කරන්න නැතිව ඇති කියන එක තමා මගේ විශ්වාසය. නමුත් අනිත් ගුරුවරුන්නම් කියන්නේ ඔවුන් දෙදෙන එතන ලිංගිකව හැසිරුන බවයි. ඇත්තටම ඔවුන් දැසින් බලන් හිටියා වගේ. ඔවුන්ගේ චරිතය අන්තයටම ඔවුන් නැත්තටම නැතිකලා. එපමණක් නෙවේ නිවඩු දවසක සිදුවුන සිදුවීම මුලු පාසලේම ප්‍රචාරය කලා.

දරුවන් කියන්නේ වැරදි කරන අය. මගේ පුද්ගලික මතය ඔවුන් දෙදෙනා කියන තරම් බරපතල වැරැද්දක් කරන්න නැතිව ඇති. නමුත් ඔවුන් යම් වැරැද්දක් කරලා තියෙනවා නමුත් එය මේ තරම් ප්‍රචාරය කරලා ඔවුන් පසලෙන් ඉවත් කර අවුරුදු 12ක් ලබපු අධ්‍යාපනය කඩාකප්පල් කරන එක නුවනැති දෙයක් කියලා මම දකින්නේ නැහැ. ගුරුවරු කියන්නේ ගෙදරින් ලමයා පාසලට ආවාට පසු ඒ දරුවන් බලාගන්නා දෙමාපියන්. කොහොමවුනත් ගුරුවරුන් මේ ආකාරයට හැසිරෙන විට කිසි දවසක දරුවන් මේ කරන වැරදි වැඩ නතර කරන්න බැහැ. දරුවන් නිසි මගට යවනු වෙනුවට ඔවුන්ව කඩාකප්පල් කරන එක හොද දෙයක් නෙවේ. ලමයෙක් වැරැද්දක් කලාම ඒ වැරැද්ද හදලා ලමයාව යහමගට ගෙන ඒ දරුවාගේ ජීවිතේ ලස්සන කරලා දෙනවා වෙනුවට මේ ගුරුවරු විනය පාලක මණ්ඩලය සියලු දෙනා එක්ව කලේ ඒ ලමයින්ගේ අනාගතය විනාශ කරලා දාපු එක. අධ්‍යාපනය කඩාකප්පල් කරපු එක. මේ තීරණය සාධාරණිකරණය කරන්න ඔවුන් කී දේ වුනේ එක දරුවො දෙන්නෙක් වෙනුවෙන් අනිත් දරුවන් 2000 කගේ අනාගතය වටිනවා කියන එක.

ඇත්තටම ගුරුවරු විදිහට තිබුනා මේ ගැන ලමයි දන්නේ නැති නිසා ගුරුවරුන්ට ඒ ගැන ඒ ලමයින් දැනුවත් කරලා පාසලෙන් අධ්‍යපනය කරගෙන යන්න ඉඩ දෙන්න තිබුනා. ඒක තමා ගුරුවරයෙක් ලමයෙක් හදාගන්නවා කියන්නේ. එහෙම නැතිව ඒ ලමයාගේ මුලු ජීවිතේම නැති කරලා දාන එක නෙවේ. ඒත් මේ ගුරුවරු කලේ අර දරුවො දෙන්නාව නැත්තටම නැති කරලා පාගලා දැම්මා.

අද ගයාන් පාසලට ආවා. මට කතා කරන්න ආවා මම පන්තියක ඉද්දි. හොද වෙලාවට ඒ පන්තිය ඉවර වෙන වෙලාව. මට ඒ දරුවා එක්ක කතා කරන්න පුලුවන් වුනා. ඒ දරුවාට ඇඩෙන්න වගේ. මම ඇහුවා මොකද වුනේ කියලා. ඒ දරුවො දෙන්නා කතා කර කර ඉදලා විතරයි. එත් පාසලෙන් යන්න වුනා ඒ පොඩි දෙයින්. දැනට පාසල් දෙකකට යන්න අවස්ථාව තියෙනවාලු. එත් හෙට තීරණය ලැබෙනවා කියලා ඒ දරුවා කිවේ.
ගුරුවරු කියන්නේ මේ වගේ මිනිස්සුද....පුදුම කලකිරීමක් තියෙන්නේ...

මා දන්නවා ඔයාලා මට එකග වෙන්නේ නැතිවෙයි. ඒත් මේ මගේ පුද්ගලික හැගීම. ඔයාලාට පුලුවන් ඔයාලාට හිතෙන දේත් කියලා යන්න.

මල් ගල් මුල් ඔනෙ දෙයක් හිනා වෙලා බාර ගන්නවා

15 comments:

  1. මම දිශාබ්භිමුඛ කිරිමේ වැඩමුලුවකට සහභාගී වෙලා තිබුන නිසා.

    //දිශාබ්භිමුඛ කිරිමේ

    මේකෙන් කීවෙ මොකද්ද බොලේ සින්හල නොතේරේ :)

    ReplyDelete
    Replies
    1. මෙකේ තේරුම මම දන්නෙත් නැහැ. අපිට එන්න කියලා එවලා තිබුන ලිපියේ තිබුනේ ඔන්න ඔහොම කියලා. :)

      Delete
    2. Orientation workshop

      Delete
  2. අඩේ මටත් ඕකට යන්න කියල අපේ අම්මත් බල කලා ඒත් ගියෙ නෑ දැන් හිතෙනව ගියෙ නැති එක හොදා කියල.ගුරුවරු මීට වඩා ලමයි ගැන සංවේදීව බලනව නම් නේද?

    ReplyDelete
    Replies
    1. රැකියාව හොදයි. ඒත් ඒ තැන් වල ඉන්න අයගේ සිතුවිලි ඒ තරම් හොද නැහැ. නොගිය එක හොදයි. මමත් අකමැත්තෙන් ඉන්නේ... ළමයි ගැන දුකයි..

      Delete
  3. මේකයි බොස් අපේ දෙමව්පියො ගුරවරු සමහරු බලන් ඉන්නෙ ළමයිට වරදිනකල්..තලන්න බනින්න..එයාල හිතන්නෙ දැඩි ලෙස තැලුවාම බැන්නාම ලමයි හැදෙනවා කියලා...
    තමුන්ගේ ටාගට් ඇචීව් කරගන්න ළමයින්ව එක්සෑම් පස්සෙ පන්නවන දෙමව්පියො තමයි ලංකාවෙ ඉන්නෙ...
    ළමයා තනිකර මැසිමක් කරනවා..ඌ කෝම හරි විබාග පාස් වුනොත් ඇති...වෙන කිසිම අලගෙඩියක් ඔන්ි නෑ...

    ReplyDelete
    Replies
    1. ඔබ හරියටම හරි. මමත් දැක්කේ ඔය දේම තමා. මේ සතියේ ගුරුවරියන් කිපදෙනෙක්ගේ තවත් මොඩ වැඩක් දැක්කා. එයාලාට ඔනේ syllabus cover කරන්න විතරයි. පොඩි වැරැද්දක් ඇති පන්න පන්න ගහන්න.

      Delete
  4. ඔයාගෙ කතාවට මම සම්පූර්ණයෙන් එකඟයි. ගුරුවරු කියන්නෙ ළමයින්ව යහ මඟට ගන්න අය උනත් සමහර ගුරුවරු තුල ඒ හැඟීම නෑ. ළමයෙක් නොතේරුම්කමට වැඩි දුර නොසිතා කරපු වැරැද්දට දෙන දඬුවම මේසේ විය යුතු නෑ. එතැනින් එහාට ඒ ළමයින්ගේ අනාගතයට මොකක් වේවිද කියලා තේරුම් ගන්න බැරි ගුරුවරුන්ගේන් ඇති වැඩේ මොකද්ද ? අනික කාමරයක් ඇතුලත උන්න පලියට ලිංගිකව හැසිරුනා කියලා කියන්නෙ කොහොමද ? ඒ ටිකත් තේරුම් ගන්න බැරි විදුහල් පති තුමා නිසා අර දරුවන්ගේ මුළු ජීවිතයම විනාසයි..

    ගුරුවරයෙක් උනාම ළමයින් දිහා බලන්න ඕනේ හුඟාක් වෙලාවට ළමයින්ගේ පැත්තෙන් වැඩිපුර හිතලා. මොකද ඒ ළමයෙක්...

    ReplyDelete
    Replies
    1. ලිහිණි , ඔබ දන්නවානම් මේ දරුවො දෙන්නා ගැන ගුරුවරු කිව කතා... ඔවුන් ඇස් දෙකෙන් දැක්කා කන් දෙකෙන් ඇහුනා වගේ. මට මෙතන ඒ දේවල් සියල්ල කියන්න බැරි නිසා මෙතකින් නතර කලේ. අද මම ඒ දරුවා එක්ක කතා කරද්දි කිවේ ඇස් දෙකේ කදුලු පුරවගෙන "අනේ මැඩම් කතා කර කර හිටියා විතරයි" කියලා. ඒ දරුවාට ඇත්ත කියන්න කිසිම තහනමක් තිබුනේ නැහැ මාත් එක්ක. මම එයාලාට කියලා තිබුනේ මම ඔයාලාගේ තවත් ගුරුවරියක් නෙවේ මම අක්කා කෙනෙක් වගේ හිතන්න කියලා. මගේ ඇස් දෙක දිහා බලාගෙන කදුලු පුරවගෙන බොරුවක් කරන්න පුලුවන් තක්කඩි කොල්ලෙක් නෙවේ ඔහු

      Delete
  5. සහතික ඇත්ත. සමහර ගුරුවරු නිසා මුළු ජීවිතේම අඳුරු කරගත්ත ළමයි ඕනෙ තරම් ඇති අද සමාජයේ. හොඳ ගුරුවරු නිසා යහමගට යොමුවුණ ළමයිනුත් ඉන්නවා. ඒක ගුරුවරයා අනුව තමයි තීරණය වෙන්නේ.

    ReplyDelete
  6. ළමයි කරපු වැඩේ හරියි කියන්න බැහැ. අනිත් අතට අනිත් ගුරුවරු අතිශෝක්තියෙන් කිව්වා කියලාත් හිතන්න බැහැ. නිවාඩු මාසේ හැම සෙනසුරාදා ම ආවා නම්, පොඩි දරුවෝත් නොවෙයි නම්, දොරත් ඇතුලින් වහලා නම්, කාරණා බොහොම දුර යන්න තියෙන ඉඩ ප්‍රස්ථාව වැඩියි. අවසානේ අසරණ කමට පත් වුනහම බය වුනහම සමහරවිට ඇත්ත වගේ බොරුවක් කියැවෙන්නත් පුළුවන්.

    හැබැයි ගුරු මණ්ඩලය කලබල වෙලා මේ සිදුවීම ප්‍රසිද්ධියක් දුන්නු එකත් හරියි කියන්න බැහැ. පුද්ගලිකව දෙමව්පියන් කැඳවලා, යම් ක්‍රියා මාර්ගයක් ගන්න තිබුණා. හ්ම්...........

    ReplyDelete
    Replies
    1. නැහැ අක්කි, නිවාඩු මාසේ එක සෙනසුරාදා දිනයක් විතරයි ඇවිත් තියෙන්නේ. ඔය කාරණාව ප්‍රසිද්ධ කරන අයගෙ විදිය මම හොදටම දන්නවා. දරුවො දෙන්නා වැරදියි. නමුත් හොයා බැලූ හැම විශ්වාසවන්ත මාර්ගයකින්ම ආරංචි වුනේ කියන තරම් දෙයක් සිදුවී නැති බවයි...

      Delete
  7. ඇත්ත කතාව ඈ.මාත් ඔය වගේ සිදුවීම් දැකලා තියෙනවා.

    ReplyDelete
  8. ඔහ් ජීසස්...
    මේ තරම් කුහක ගුරුවරු ඉන්නවා කියලා මට කවදවත් හිතලා තිබ්බේ නෑ.

    ඇයි මේ හැමෝම තමන්ට තරුණ කාලයක් ළමා කාලයක් තිබිලා නෑ කියලා වැඩ කරන්නේ.
    ඊටත් වඩා යමෙකුගේ අනාගතය අවහිර කරන්න තරම් තීරණ ගන්න පුළුවන් ගුරුවරු?
    පූගේ අන්තිම වචන දැක්කම ලොකු සහනයක් දැනුනා ඒ ළමයි වෙන කොහේ හරි පාසල් වලට යන්න හරි පහසුකමක් තියෙනවා දැකලා.
    මගේ අතීත පාසල් ගුරුවරු අවුරුදු විසිපහකට පස්සෙත් මම ගියාම හිනා වෙන අහිංසක මූණයි මේ ගුරුවරුයි කොයි තරම් වෙනස්ද?

    ReplyDelete