2012/05/23

අමා.....

නම ඇහුව ගමන්ම කට්ටියට හිතා ගන්න පුලුවන් ඇති මෙ මොකක්ද මේ කියන්න යන්නේ කියලා. ඇත්තටම මෙහෙම පොස්ට් එකක් ලියන්න හේතුව වුනේ එකේ අද කියපු කතාවක් ගොඩාක් හිතට අල්ලපු නිසා.

අමා ටෙලි නාට්‍ය ගැන නොදන්න කෙනෙක් ඇති කියලා හිතන්නේ නැහැ. නොදන්න කෙනෙක් ඉන්නවානම් මෙන්න සරලවම ඒ ගැන. බදාදා හැර සතියේ දින හතරේ ඓඨ්ණ් එකේ රාත්‍රි 7.30 විකාශය වෙන බොලද කතාවක්. මාත් ඉටින් ඉදලා හිටලා ඔය කතාව බලනවා. අදත් මම බැලුවා.

මේ කතාවේ අමා ගම්බද කෙල්ලෙක් හිරු නාගරික කොල්ලෙක් නෙ. අද කතාවෙ හිරු අමාගේ ගෙදර එනවා. එ ආපු වෙලාවේ අමාගේ තාත්තා හිරුට කියනවා.

"හැබැයි පුතේ මොනම හේතුවක් නිසවත් මේ කසාදේ නොකෙරි තියෙන්න බැහැ කියලා"

 එවෙලාවේ හිරු බය වෙලා වගේ බලන් ඉන්නවා
අයෙමත් අමාගේ තාත්තා කියනවා

"මොකද දන්නවාද කොල්ලෙක්ගේ අතේ එල්ලිච්ච කෙල්ලෙක් වෙනා කාගෙවත් බෙල්ලෙ එල්ලන එකා දූලාගෙ අම්මගෙවත් මගෙවත් සිරිත නෙවෙ අපෙ පරම්පරවෙ සිරිත නෙවෙ කියලා"

තව ඉතින් කතාව දිගටම කියන්න මට ඔනේ නැහැ. එත් එ කතාව මගේ හිතට ගොඩක් දැනුනා.

ගොඩාක් දෙනෙක් හිතන්නේ කොල්ලො කෙල්ලො යලුවෙන එක සුලු දෙයක් එ වගෙම එ සම්බන්ධකම් නැති වෙන එක සුලු දෙයක් කියලා. සම්බන්ධකම් අති වෙන එක සුලු දෙයක් කියලා හිතුවත් එවා නැති වෙන එකනම් සුලු කොට තකන්න පුලුවන් කියලා මට හිතෙන්නේ නැහැ.

සමහර කොල්ලො කෙල්ලෙක් එක්ක යාලු වෙලා ඉදලා අත් අරිනවා ටික කාලෙකින්. එ අතරින කාලේ වෙද්දි කෙල්ල කසාද බදින කාලෙත් ලන්වෙලා. කෙල්ලගේ ගෙදර අය විතරක් නෙවේ මුලු නැදෑ පරපුරම මේ සම්බන්ධය ගැන දන්නවා. එහෙම වුනාම කෙල්ල ගෙදරට විතරක් නෙවේ නැදෑයන්ටත් මුහුණ දෙන්න බැරිව අපහසුතාවයට පත් වෙනවා. කොල්ලො විතරක් නෙවේ මෙහෙම කරන්නේ මෙහෙම කරන කෙල්ලොත් ඉන්නවා.

මෙහෙම දෙයක් වුනාම එදේ කරන අනිත් පර්ශවයට නිදහසට කරුණු ඔනේ තරම් තියෙනවා. එත් කවදාවත් හිතන්න පුලුවන්ද අනිත් කෙනා කොයි තරම් අසරණ වෙනවාද කියලා. අද කාලේ අද දැකලා හෙට යාලු වෙන සිරිතක් නැහැනෙ. මොනදේ වුනත් ටික කාලයක් ඇසුරු කරලානේ සම්බන්ධකමක් පටන් ගන්නේ එහෙම වෙලා අවුරුදු ගානකට පස්සේ මට ඔයාව ගැලපෙන්නේ නැහැ මට ඔයව එපා කියන එක නම් හරි කියලා මම අනුමත කරන්නේ නැහැ.
ගොඩක් කෙල්ලො තමන් එක්ක ඉන්න කොල්ලාට වඩා යමක් කමක් ස්ථාවරත්වයක් තියෙන කොල්ලෙක් මුණ ගැහුනොත් කැමතිද ඇහුවොත් ඉක්මනට වචනේ වෙනස් කර ගන්නවා. දන් ඉන්න කොල්ලාව අත් ඇරලා යනවා. කොල්ලොත් ඔහොම්මම තමා. තමන් එක්ක ඉන්න කෙල්ලට වඩා ටිකක් හරි වෙනස් දෙයක්(හොද පැත්තෙන්) තියෙන කෙල්ලෙක් හම්බවුනොත් අර ඉන්න කෙල්ලව අත් ඇරලා අර ගැණුලමයා එක්ක සම්බන්ධ වෙනවා.

ගොඩක් සතුටින් කියනවා ඔහොම නැති කෙල්ලො කොල්ලො ඔනෙ තරම් ඉන්නවා. එත් ජීවිතේ මේ වගේ කෙනෙක් එක්ක සම්බන්ධයක් තිබුණ කෙනෙක් අයේ කවදාවත්ම වෙන කෙනෙක්ව විශ්වාස කරන්නේ නැහැ. මම දන්නවා ගොඩක් දෙනෙක් මගේ කතාවට එකග වෙන්නේ නැහැ කියලා. ඔයාලා කියයි නොගැලපීමක් තියෙනවානම් බදින්න කලින් වෙන් වෙන්න ඔනේ කියලා. මම නැහැ කියන්නේ නැහැ. එත් නොගැලපීම් දැන ගන්න මාස ගනන් අවුරුදු ගනන් යන්නේ නැහැ. මාස තුනක් කතාබහ කරලා ආශ්‍රය කරලා සම්බන්ධකම් පටන් ගත්තොත් කවදවත්ම පස්සෙ කලෙකදි නොගැලපීම් තියෙනවා කියලා කියන්න බැහැ.

ආදරය කියන්නේ පරිත්‍යාගයක්. තමන් ආදරය කරන කෙනෙක් තුල සුලු අඩුපාඩුවක් වැරද්දක් තියෙනවානම් එකෙන් ඔබ දෙදෙනාටවත් වෙනත් කෙනෙක්ටවත් හානියක් වෙන්නේ නැතිනම් එ දේට සමාව දීලා, බරපතල වැරැද්දක් වෙනවානම් ආදරයෙන් තේරුම් කර දීලා අනිත් කෙනාව යහමගට අරන් සම්බන්ධයන් බිදින්නේ නැතිව තියාගන්න පුලුවන් නම් ගොඩක් වටිනවා.

අද පොස්ට් එක ගොඩක් දිග කම්මැලි එකක් නිසා කියවන්නේ නැති වේද කියලා හිතෙනවා. එත් ටිකක් කම්මැලි කමෙන් හරි කියවන්න කවදාහරි හිතේ පූ එදා අමා ටෙලිනාට්‍ය බලලා කියපු කතාව හරි නෙද කියලා......

12 comments:

  1. ""සමහර කොල්ලො කෙල්ලෙක් එක්ක යාලු වෙලා ඉදලා අත් අරිනවා ටික කාලෙකින්. එ අතරින කාලේ වෙද්දි කෙල්ල කසාද බදින කාලෙත් ලන්වෙලා. කෙල්ලගේ ගෙදර අය විතරක් නෙවේ මුලු නැදෑ පරපුරම මේ සම්බන්ධය ගැන දන්නවා. එහෙම වුනාම කෙල්ල ගෙදරට විතරක් නෙවේ නැදෑයන්ටත් මුහුණ දෙන්න බැරිව අපහසුතාවයට පත් වෙනවා.""

    ඔය හරිය හරියට තේරුම් ගන්නේ නැති ඕනේ තරම් අය ඉන්නවා , පොස්ට් එකේ වැදගත්තම කොටස , :)

    ReplyDelete
    Replies
    1. ස්තුතියි මේ පැත්තේ ආවාට. ඇත්තටම මේ තත්වයට පත්වුණ කෙනෙක්ගේ දරාගැනීමේ ශක්තිය අඩුනම් ජීවිතෙන් පවා වන්දි ගෙවන්න පෙලඹෙන අවස්ථාවන් තියෙනවා. එක දවසක් හරි අනිත් කෙනාට ආදරය කලානම් මේ ටික තෙරුම් ගන්නවා.

      Delete
  2. කෙනෙකුව තවත් කෙනෙකුට තේරුම් ගන්න සමහර විට ටික කාලයයි..සමහර විට මහා ගොඩාක් කාලයක් ඕනෙ..
    හොඳම දේ ඇසුරු කරන්න පටන් ගන්නකොටම දෙන්නම අවංකව විවෘතව කතා බහ කරල අදහස් හුවමාරු කර ගැනීම....එතකොට ගැළපීම් නොගැළපීම් ඉක්මනින් හඳුනා ගන්න පුලුවනි...

    නොගැළපෙන දෙන්නෙක් හැකි ඉක්මනින් වෙන් විය යුතුයි..එහෙම නැතුව මොන මොන හේතු නිසා හෝ එහෙම සම්බන්ධයක් දිගට ඇදගෙන යැමෙන් වෙන්නෙ ලොකු අමාරුවෙ වැටීමක්...

    කෙල්ලෙක්ව හෝ කොල්ලෙක්ව ගොඩාක් කාලයක් ඇසුරු කරල අත හරින එක නම් අසාධාරනයක් අපරාධයක් තමා...සමහර විට ඒක එක්කෙනෙකුගෙ වැරැද්ද හෝ දෙන්නගේම වෙන්න පුලුවන්..මේක ගොඩාක් සංකීර්න මාතෘකාවක්...!!

    ReplyDelete
    Replies
    1. ස්තූතියි මේ පැත්තේ ආවාට. මම හිතන්නේ දෙන්නෙක් සම්බන්ධයක් පටන් ගන්න කියලා හිතාගෙන හරි එහෙම නැතිව හරි කතාබහ කරද්දි අවන්ක වෙන්න ඔනේ. මුණගැහිලා දෙදෙනාගේ අදහස් හුවමාරු කරගන්නවානම් අවන්කවම පස්සේ කාලෙදි නොගැලපීම් ඇතිවෙන්නේ නැහැ කියන එකයි මගේ අදහසනම්

      Delete
  3. //මාස තුනක් කතාබහ කරලා ආශ්‍රය කරලා සම්බන්ධකම් පටන් ගත්තොත් කවදවත්ම පස්සෙ කලෙකදි නොගැලපීම් තියෙනවා කියලා කියන්න බැහැ. // මාස තුනක් මදි වෙයි කියලයි මට හිතෙන්නෙ.මොකද එක පාර්ශවයක් හරි බොරුවට රග පෑවොත් වැරදි ගතිගුණනෙ ගැලපෙනවා කියලා හිතාගෙන ඉන්නෙ.දෙන්නම ඇත්ත කිව්වොත්නම් අදුරගන්න පුලුවන් ලේසියෙන්.

    හොද ලිපියක්..:))

    ReplyDelete
    Replies
    1. ස්තූතියි මේ පැත්තේ ආවාට. මාස තුනක් කියන්නේ පොඩි කාලයක් නිතර මුණගැහෙන්නේ නැති කතා කරන්නේ නැති දෙදෙනෙක්ට කියන එක මගේ හැගීම. නමුත් අද නිතර මුණගැහෙන්න පුලුවන් නිතරම කතා කරන්න පුලුවන් නිසා මාස තුනක් කියන්නේ සැලකියයුතු කාලයක් කියන එකයි මගේ හැගීම.

      Delete
    2. හනේ හෆොයි! යකෝ උබලා මොන්ටිසෝරි ලමයි ඈ...?

      Delete
  4. "මොකද දන්නවාද කොල්ලෙක්ගේ අතේ එල්ලිච්ච කෙල්ලෙක් වෙනා කාගෙවත් බෙල්ලෙ එල්ලන එකා දූලාගෙ අම්මගෙවත් මගෙවත් සිරිත නෙවෙ අපෙ පරම්පරවෙ සිරිත නෙවෙ කියලා"

    බොලඳ නාට්‍ය වලත් හොඳ දෙබස් තියෙනවානේ නංගි බලාගෙන යනකොට...

    මේ ලිපියේ කියැවෙන දේ මාත් පිළිගන්නවා..

    ReplyDelete
    Replies
    1. ස්තූතියි අක්කේ මේ පැත්තේ ආවාට. ඇත්තටම අක්කේ බොලද කතා කියලා අපි අයින්ම කරන දෙවල් වලත් ඉදලා හිටලා හොද දෙවල් තියෙනවා.

      Delete
  5. ඇඩෙනවා.........

    අනේ උබටත් හරි හමන් කෙල්ලෙක්/කොල්ලෙක් සෙට් වේවා! ආදරේ ගැන ඉගෙනගන්න :P

    ReplyDelete
    Replies
    1. ස්තූතියි මිතුර...

      Delete
  6. සිව් වසරක් ආදරෙන් ඉදලා එකපාරටම අපි ගැලපෙන්නේ නෑ කියල වෙන් වෙලා ගියපු ප්‍රේමවන්තයක් එනකම් බලන් ඉන්න කෙල්ලෙක් මම.අක්කගේ බ්ලොග් ඒක එයත් බලනවානම් කියලා හිතුනා.අක්කගේ කවි උනත් නෙතට කදුළක් එක් කරා.ලස්සනයි අක්කේ.දිගටම ලියන්න.මමත් කලින් ලිව්වා.කමෙන්ට් මොඩරේට් කරානම් හොදයි නේද?

    ReplyDelete